Културно-Информативен Центар
на Р.Македонија во Софија
почетна
галерија

Работно време:
понеделник-петок
08:30-16:30 часот

Повелете,
посетете не!

Скопје 


2

-

 

Почитувани,                                          македонски / български

Добре дојдовте на веб локацијата на Културно-информативниот центар на Р. Македонија во Софија.
Овде ќе најдете информации за нашата работа, програмите од изминатите години, проектите што ги планираме во 2017 година, нашите иницијативи, заложби, секојдневно работење.

Повелете, посетете не!
Со почит,
Културно-информативен центар на Р.Македонија

М-р Васко Шутаров
Директор на Културно-информативен центар на Р.Македонија во Софија
тел/факс: 02 / 9461492

НАСТАНИ ...

-На 27 септември во Културно-информативниот Центар на Р. Македонија во Софија, со дела од својот најнов уметнички опус се претстави македонската уметница Љубица Мешкова Солак. Изложбата Конвергенција беше нејзино прво самостојно претставување во Софија и дел од годишната програма на нашиот Центар за 2017 година.

Љубица Мешкова Солак завршува графика со конверзација и реставрација на Факултетот за ликовни уметности во Скопје, но најголем дел од својот богат авторски опус го остварува во Битола, каде живее и твори. Има остварено бројни самостојни изложби низ Р. МАкедонија, но и во Берлин и Париз, а во соработка со британскиот моден бренд Хакет изложува во Дубаи, Катар, Кувајт и Бахреин. Има остварено студиски патувања во Атина, Фиренца, Букурешт, Ерусалим, Љубљана и Париз, учествувала на бројни групни изложби во Бугарија, Романија, Србија Шпанија, Грција, Австрија. Добитник е на значајни ликовни награди, во 2008 година признанието за ликовно остварување "Борислав Траиковски", а во 2013 година наградата на ДЛУМ, Д. Аврамовски-Гуте.

1   1

1   1

-На 12 и 13 септември, по повод Денот на независноста на Р. Македонија 8 Септември, Амбасадата на Р. Македонија во Р. Бугарија и Културно-информативниот Центар на Р. Македонија во Софија, беа домаќини на прием и културна програма во хотел Балкан Софија (12 септември) и Рускиот културно-информативен Центар во Софија (13 септември).

Во културното претставување на двата настани учествуваа Трио Гавровски од долни Полог-Тетово, ЗФГ Копачка од с. Драмче, Делчево кои беа дел од годишната програма на КИЦ на Р. Македонија за 2017 година, како и женскиот камерен хор Св. Злата Мегленска.

Триото Гавровски со двогласното машко "Гласоечко" пеење, како и женското и машкото оро "Копачкото" од с. Драмче, се впишани во репрезентативната листа на УНЕСКО, како заштитени културни наследства на човештвото.

1   1

1   1

На 28 јули беше отворена проектизложбата "Мајки, Божици и Кралици" од авторот Благојче Наумовски-Бане.

Благојче Наумовски-Бане е роден 1985 г. во Кичево, Р. Мaкедонија. Дипломира на Факултетот за ликовни уметности во Скопје, на педагошкиот отсек сликарство во класата на проф. Рубенс Корубин. Мaгистирирa од областа на сликарството во класата на проф. Јован Шумковски. Од 2012 г. работи како асистент на Факултетот за Арт и Дизајн на Европскиот Универзитет во Скопје, а од 2016г. станува доцент на истиот факултет. Изложувал во Берлин, Њу Јорк, Отава, Љубљана, Париз, Прага, Виена, Хаифа, Приштина. Ова беше негово прво самостојно претставување во Софија.

1   1

1   1

-На 18 јули во Бургас, во организација на Културно-информативниот Центар на Р. Македонија во Софија и Регионалната библиотека "П.К. Јаворов", беше организирана вечер посветена на македонската култура и уметност. Македонската културна вечер беше отворена со ликовната изложба "Поврзување", на која со свои дела работени во различни ликовни техники се претсртавија уметниците МАријана Иванова, Марјан Ѕин, Зоран Мише, Горан Тричковски, Иван Стоименов, Слободан Милошески, Перица Георгиев Пепси, Павел Целкоски, Ице ОгненовскиМерко и Иво Пецов. Во литературниот дел од вечерта, стихови од познати македонски поети интерпретираше актерот и режисерот Ѓорги Георгиев-Антика. Директорот на македонскиот Центар во Софија Васко Шутаров, кој заедно со директорката на Регионалната библиотека Регионалната библиотека "П.К. Јаворов" Марија Бенчева беа домаќини на ова прво големо претставување на македонска култура во Бургас, на библиотеката и подари книги, монографии и каталози од македонски писатели и ликовни уметници. На настанот присуствуваше и заменик градоначалникот за култура на Општина Бургас Јорданка Ананиева.

1   1

1   1

-На 15 јуни во полн салон на Музичкиот центар "Борис Христов" во Софија, солистички рецитал одржа нашиот оперски уметник Кристијан Антовски. Во пијано придружба на Андреј Наунов, Антовски се претстави со дела на G. Handel, M. Glinka, W.A. Mozart, R. Leoncavallo, G. Donizzetti, G. Verdi, T. Прокопиев и со неколку аранжмански обработки од Андреј Наунов на традиционалните "Си заљубив едно моме" и "Болен ми лежи Миле Поп Јорданов". Пред бројната публика во Софија, нашите уметници ги претставија Васко Шутаров во име на КИЦ на Р. МАкедонија во Софија и Елена Драгостинова од име на Музичкиот центар "Борис Христов". Концертот се одржа во рамките на Тринаесеттиот Фестивал на уметностите на кој Р. Македонија, претставена од нашиот Центар во Софија, учествува по четврти пат.

1   1

1   1

-Во рамките на "Македонската вечер" што се одржа на 12 јуни во Музичкиот центар "Борис Христов" во Софија, аплаузи и бис добија нашиот познат баритон Ристо Велков и поетот Томе Велков. Во музичкиот дел од вечерта беа исполнети композиции од македонските автори Т. Прокопиев, Т. скаловски, Ж. Фирфов, традиционалната Т'рба, Т'рби Гевгелиска и неколку популарни неаполитански песни, а беа читани и стихови од стихозбирката "Чудно време" од авторот Томе Велков. Во ликовниот дел од вечерта беше претставена изложбата "Порти" од ликовниот уметник Марјан Ѕин. Настанот го отворија директорот на македонскиот КИЦ во Софија Васко Шутаров и директорката на Музичкиот центар, Елена Драгостинова.

1   1

1   1

-На 6 јуни,успешен соло-рецитал имаше пијанистката Мимоза Ќекана Седмиот Фестивал на Франкофонијата што се одржува од 3-8 јуни во бугарскиот приморски град Созопол. На програмата беа исполнети и дела од Морис Равел, Клод Дебиси и Франц Лист, а на бис беше изведено дело од македонскиот композитор Томислав Зографски. Настанот пред љубителите на музиката во Археолошкиот музеј во Созопол го отворија директорката на фестивалот Александрина Исајлова и директорот на нашиот КИЦ во Софија Васко Шутаров.

Мимоза Ќека е родена 1994, а пијано започнува да учи на петгодишна возраст. Основното и средното музичко образование го стекнува во ДМБУЦ Илија Николовски Луј, а во 2015 година дипломира на Факултетот за музичка уметност на одделот по пијано, во класата на проф. Тодор Светиев. Во моментов привршува со своите постдпломски студии под ментарство на проф. Лилија Зилберштајн. Има настапувано на бројни концерти во Македонија, Србија, Франција, Италија и освојувано значани државни и меѓународни награди.

Соло-концертот на Мимоза Ќека беше нејзино прво значајно претставување пред публиката во Бугарија.

1   1

1   1

-На 3 јуни, со две македонски ликовни изложби беше отворен Седмиот Фестивал на Франкофонијата "Солеј" во Созопол, Р. Бугарија. Културно-информативниот Центар на Р. Македонија кој трета година по ред е партнер и редовен гостин на овој Фестивал, годинава понуди три културни содржини. На првиот фестивалски ден најпрво беше отворена изложбата "Поврзување" на која со преку педесетина дела, работени во различни ликовни техники, се претставија уметниците Иво Пецов, Марјан Ѕин, Маријана Иванова, Ице Огненовски-Мерко, Зоран Мише, Слободан Милошески, Горан Тричковски, Иван Стоименов, Павел Целкоски и Перица Георгиев-Пепси.

Во вториот ден од програмата беше отворена и ликовната изложба "Охридски филиграни" од авторката Мирјана Николоска. Преку триесетина дела работени на традиционален начин, со срма, монистра и охридски бисер, преизвикаа исто како и изложбата "Поврзување" голем интерес.

Изложбите ги отворија директорката на Фестивалот Александрина Исаилова, претседателката на Советот на Општина Созопол Красимира Германова и директорот на нашиот Центар во Софија, Васко Шутаров. Нанастаните присуствуваа амбасадори на земјите учеснички на фестивалот и бројни ликовни и културни работници од Созопол.

Седмиот Фестивал на Франкофонијата во Созопол, кој беше отворен на 3 јуни, продолжува до осми јуни, со културна програма од Франција, Белгија, Швајцарија, Романија, Грузија, Либан, МАроко, МАкедонија и Бугарија.

1   1

1   1

На 22 мај во КИЦ на Р. Македонија во Софија, беше отворена изложбата "Експресивната лирика и траги" од академските сликари Илиријан Бекири и Башким Меџити. Пред бројна публика и претставници од дипломатскиот кор, изложбата ја отвори директорот на Центарот, Васко Шутаров.

Илиријан Бекири и Башким Меџити на своето прво заедничко и репрезентативно претставување во Софија, се претствија со 23 масла на платно, од нивните најнови творечки опуси. Иако концептуално различни, делата на двајцата ликовни уметници чинат една исклучителна компактна целина, која комуницира преку хармонијата од лирски експресии, преку композицијата, бојата, силно изразената симболика.

1   1

1   1

Илиријан Бекири и Башким Меџити, имаат остварено заеднички проекти и изложби ширум Македонија, државите од регионот, но и во Париз и Њујорк. И двајцата се професори на Факултетот за ликовни уметности на Универзитетот во Тетово.

1   1

1   1

-На 18 мај, во рамките на манифестацијата Ноќ на Музеите во Пловдив, во познатата Балабанова куќа, беше отворена изложбата Поврзување. Овој ликовен проект се реализираше со помош на нашиот Културно-информативен Центар во Бугарија, а во него со преку 50 дела беа претставени ликовни уметници Мирјана Иванова, Марјан Ѕин, Перица Георгив-Пепси, Зоран Мишев, Иво Пецов, Иван Стоименов, Слободан Милошески, Горан Тричкоски и Павел Целкоски. Изложбата која во Пловдив беше поставена до 31 мај, ја отворија директорот на КИЦ на Р. Македонија Васко Шутаров и зам. директорот на Општинскиот Институт Стар Пловдив, Светлозар Чичиков. По овој повод беше нагласена, веќе традиционално добрата и плодна соработка помеѓу двете институции, во пресрет на 2019 година, кога Пловдив станува Европска престолнина на културата.

1   1

1   1

1   1

-На 12 мај, вториот работен ден од Македонската Книжевна визита на Софија, беше дебатирано по повод 25 годишнината од потпишувањето на првиот договор за соработка помеѓу Друштвото на писателите на Македонија и Сојузот на писателите на Бугарија. Во вториот дел од програмата, беше доделена традиционалната награда за преведуваштво, Македонски книжевен Дедал, која годинава ја доби бугарска писателка Тања Попова.

Беше представен и книжевен портрет на Иван Џепароски, за чие дело зборуваа Данило Коцевски, Димитар Христов и Бранко Цветкоски.

1   1

1   1

-Со македонско-бугарска поетска вечер, започна јубилејната, десетта по ред Македонска Книжевна визита на Софија. Свои песни интерпретираа Радован Павловски, Петар Караангов, Гордана Михаилова Бошнакоска, Данило Коцевски, Никола Инџов, Ристо Василевски, Ггеорги Константинов, Георги Барбаровски, Надја Попова, Кети Бозукова, Бранко Цветкоски, Димитар Христов, Кристина Николовска, Роман Кисјов, Николај Шопов, Иван Џепароски, Владимир Левчев, Братислав Ташковски, Вања Савова, Зоран Јакимовски, Поли Муканова и Марина Мијаковска.

Партнери во организацијата на овој веќе традиционален книжевен настан беше ИК Макавеј од Скопје.

1   1

1   1

-Во галеријата на Столичната библиотека во Софија на 10 мај се читаше поезија од 16 македонски автори, во рамки на шестата Европска ноќ на литературата која во исто време се одржуваше во уште 12 бугарски градови.

Македонската презентација ја организираше Културно-информативниот центар на Република Македонија во Софија, кој петта година е вклучен во организацискиот одбор на овој европски проект, во рамки на програмите ЕУНИК (Европска асоцијација на културни институции). Ноќта на литературата е меѓународен настан на кој истата ноќ во голем број градови низ Европа се одржуваат литературни читања на необични места т.н. гнезда.

1   1

1   1

Во просторот на Република Македонија беа интерпретирани стихови од Ацо Шопов, Матеја Матевски, Ристо Јачев, Влада Урошевиќ, Михаил Ренџов, Анте Попвски, Радован Павловски, Славе Ѓорго Димоски, Лилјана Дирјан, Никола МАџиров... застапени во антологијата Портал на Сонцето, која во 2016 година беше објавена од бугарското книгоиздателство Ерго.

Стихови читаа актерите Игор Дамјанов, Тодор Тодоров и Ѓорги Георгиев-Антика кои пред голем број посетители ја отпеаја и македонската народна песна Ако одам во Битола. Меѓу гостите беше присутен и македонскито амбасадор во Бугарија Марјан Ѓорчев.

КИЦ на РМ е меѓу 20-те институции вклучени во поетската ноќ-амбасади, културни институции или центри кои имаат свои седишта во главниот град на Бугарија, меѓу кои оваа година првпат учествуваат и амбасадите на ИСланд, Норвешка и Португалија.

-На 4 мај, пред бројна публика, претставници од дипломатскиот кор, културни работници и бројни познати јавни личности беше отворена изложбата "Охридски филиграни" од Мирјана Николоска.

1   1

1   1

Софиската публика покажа исклучителен интерес за ова старо занаетско мајсторство специфично за Македонија, претставено преку 35 ракотворби од авторката Мирјана Николоска од Охрид. Изложбата ја отвори директорот на КИЦ на Р. МАкедонија, Васко Шутаров.

1   1

1   1

1   1

-На 26 април, Министерството за култура на Р. Бугарија беше организатор и домаќин на промоцијата на бугарското издание на книгата "Јавна и културна дипломатија" од Васко Шутаров. Пред многубројни љубители на културата и претставници на дипломатскиот кор, за книгата и авторот зборуваа Марјан Ѓорчев, Амбасадор на Р. Македонија во Бугарија, Дејана Данаилова од Министерството за култура на Р. Бугарија и Пламен Тотев, во име на бугарското книгоиздателство "Изида".

1   1

1   1

Ова е едно од ретките дела посветени на културната дипломатија, една од поновите и најатрактивните области од дипломатијата, со која преку културни содржини и програми, државите и нивните дипломатии упатуваат пораки за своите системи на вредности, идеи, ставови, претстави, начини и култури на живеење. Едно од првите и сеопфатни истражувања во научна смисла на оваа тема, се поместени токму во оваа книга, која на македонскиот книжевен пазар појави во 2014 година.

Авторот на книгата, м-р Васко Шутаров е директор на Културно-информативниот Центар на Р. Македонија во Софија, а овој проект беше поддржан и помогнат од македонското Министерство за култура.

-На 11 април, во салонот на Културно-информативниот Центар на Р. Македонија во Софија, беше отворенасамостојна ликовна изложба на Соња Чингарова Фотева. "Мандала 2" беше насловот на изложбата, со кој преку 18 дела од различни творечки циклуси (2007-2017), се претстави Чингарова фотева, пред публиката во Софија.

1   1

1   1

Организатори на овој ликовен проект беа Музеј на Град Скопје и Културно-информативниот Центар на Р. Македонија во Софија, во чие име, директорот на Центарот Васко Шутаров и кустосот советник Дора Андова-Фотева од Музеј на Град Скопје, ја отворија изложбата.

1   1

1   1

 

-На 3 април, пред бројни љубители на литературата и посетители на Културно-информативниот Центр на Р. Македонија во Софија, беа промовирани шест романи на бугарски јазик, од помладата генерација македонски писатели. На оваа промоција беа претставени романите "Вишновата хроника" од Фросина Пармаковска, "Куфер за тројца" од Живко Грозданоски, "Бездомникот со златен часовник" од Вера Калин, "Црвено и бело" од Михајло Свидерски, "Безимената месечева соната" од Давор Стојановски и "Очи со боја на чевли" од Петар Андоновски. Овие дела веќе предизвикуваат интерес кај бугарската читателска публика, а во Р. Македонија беа финалисти на наградата "Роман на годината".

За авторите и нивните дела зборуваа Васко Шутаров, од име на домаќинот и иницијатор на овој проект, Културно-информативниот Центар на Р. Македонија, Пламен тотев од име на книгоиздателствата "Персеј" и "Изида" и Тања Попова, од име на преведувачите на овие дела.

1   1

1   1

-На 29 март во Културно-информативниот Центар на Р. Македонија, Јета Старова-Мехмети и Ермал Мехмети, попознати како Дуо Скупи, одржаа концерт со наслов "Македонски звуци". Во пригодни аранжмани за флејта и виолина, пред бројната публика во Софија, тие ги исполнија познатите македонски народни песни и ора: "Со маки сум се родила", "Пајдушко оро", "Се посврши Сербез Донка", "Не си го продавај Кољо чифликот", "Калајџиското оро ", "Дафино вино црвено", "Јано мори" и "Море Дончо мераклија". Овој музички материјал беше промоција на нивниот компакт диск "Mak Sounds", кој побуди исклучителен интерес кај публиката во Софија. Ова беше трет солистички настап на Дуо Скупи во Р. Бугарија, претходните години тие имаат настапувано со целовечерни концерти во Перник, Ќустендил и Софија.

1   1

1   1

-На 17 март во КИЦ на Р. Македонија во Софија, пред бројна публика, претставници на дипломатскиот кор и Министерството за култура на Р. Бугарија, беше отворена изложбата на македонскиот ликовен уметник Андријана Мациев. На изложбата насловена како "Живот во бои", беа претставени 22 дела, работени во акрил на платно и хартија.

1   1

1   1

Ова беше прва самостојна изложба на Мациев, која веќе се има претставувано пред бугарската публика на групни изложби во Варна и Созопол. За Андријана МАциев и нејзиниот творечки опус зборуваа Мирјана Крстева Массетти, ликовен уметник и директорот на Центарот Васко Шутаров, кој и ја отвори изложбата.

1   1

1   1

 

Културно-Информативен
Центар на Р.Македонија
e-mail:rmkic@yahoo.com
тел/факс: 029461492
ул. Обориште 7
1504 Софија

Софијa