КУЛТУРНО-ИНФОРМАТИВEН ЦЕНТАР НА РЕПУБЛИКА СЕВЕРНА МАКЕДОНИЈА ВО СОФИЈА

  • Македонски
  • Български

ИД "Макавеј", проект: Книжевен портрет на Весна Ацевска

Во организација на Културно-информативниот центар на Р. Македонија и ИД "Макавеј" - Скопје, на 16 март во 18:00 часот, во просториите на КИЦ се одржа книжевна вечер посветена на современата македонска поетеса Весна Ацевска. За творештвото на Ацевска говореше познатата бугарска писателка Екатерина Јосифова и македонскиот писател и книжевен критичар Бранко Цветкоски, со учество на  познатата бугарска актерка  Бела Цонева Динкова. На книжевната вечер присуствуваше и овогодишниот лауреат на Струшките вечери на поезијата, добитникот на "Златниот венец" , познатиот бугарскиот поет Љубомир Левчев, кој што упати посебни поздрави до Ацевска.

Весна Ацевска е родена во Скопје 1952 година, дипломирала на Филолошкиот факултет во Скопје. Пишува поезија и проза, преведува од словенски јазици. Работела во весникот "Република", од 1992 година работи како лектор во Институтот за национална историја во Скопје. Член е на ДПМ од 1991 година и на македонскиот ПЕН центар (2009 год.).
Автор е на неколку книги поезија: Подготовки за претстава-1985, Карпа за скок-1991, Котва за Ное-1994, Неред во огледалото-1996, Кула во зборот-2005, Столисник-2008. Со нејзина поезија отпечатени се во Р. Македонија и странство неколку книги со одбрани песни, вклучително и на бугарски јазик  "Безредие в огледалото" (Софија, 2001 година). Автор е и на проза за млади: Лавиринт (Скопје,1992), Рок видри (1993), Скалила во зеленилото (1994). Го препеала и големиот фински еп Калевала, за што ја добила  наградата за препев "Григор Прличев" за 2000 година. Добитник е на наградата "Браќа Миладиновци" за 2009 година за стихозбирката "Столисник", награда која се доделува за најдобра поетска книга објавена меѓу две изданија на Струшките вечери на поезијата.

ИД "Макавеј", проект: Книжевен портрет на Весна Ацевска (фотографија)
ИД "Макавеј", проект: Книжевен портрет на Весна Ацевска (фотографија)
ИД "Макавеј", проект: Книжевен портрет на Весна Ацевска (фотографија)
ИД "Макавеј", проект: Книжевен портрет на Весна Ацевска (фотографија)

Настани

Share

За КИЦ на РСМ

E-mail: rmkic@yahoo.com

тел.: + 359 2 946 1492

ул. „Обориште“ 7, 1504 Софиja

Билтен

За информации и настани од сајтот

СИГУРНОСТ
Потврдувањето докажува дека сте реален корисник.