КОКОШКА
по А. П. Чехов и Н. Кољада
ПРЕТПРЕМИЕРА - 15 СЕПТЕМВРИ I ПРЕМИЕРА - 16 СЕПТЕМВРИ
сценска адаптација и постановка - Ана Батева
музика - Стефан Здравески
учествуваат: Василена Винченцо и Васил Дуев
Темата за слободниот дух на човекот е често среќавана во творештвото на Чехов. Така и нашите ликови – Нина Заречнаја и Александар Тимофеевич, заминуваат во главниот град, заљубувајки се и наоѓајки ја слободата во уметноста. Таму тие влегуваат во вителот на „вештачкото“ опкружување и лажните пријателства.
Но што се случува кога „слободата“ го напушти духот на човекот и се претвори во причина за невкусен однос, за дрзост кон тривијалната творечка изјава и живеењето, пропратено од материјализмот, од „надворешното“, од кичот и желбата за гласна слава? И сето тоа на секоја цена.
По тој повод Чехов би додал: „Многу ми е жал за овдешните луѓе – толку се несреќни сите, толку се осамени и толку ги има расипано зависта сите – цела несреќа! Родени робови, сите се умилкуваат, готови да ги бакнуваат нозете и да ги лижат петите на супериорните. Колку е тоа фалш и непотребно!“.
Николај Кољада има стекнато добро име и место во современата руска култура – нарекуван и споредуван со Чехов во наше време. Кољада говори со бескомпромисен јазик за сплетките во театарските средини, за отсуството на „култура“ во културата, за „еднодневните“ претстави и за потребата од критика. А можеби денес уметноста има неопходност точно од неа?
"КОКОШКА" е првата претстава на новосоздаденото здружение за театар и уметност - SPAM Studios. Со премиерата основачите имаат цел да го дадат почетокот на идни творечки трагања, кои би го определиле карактерот на здружението.