Во организација на Културно-Информативниот Центар на Р.Македонија и НУ Музејот на современа уметност од Скопје, на 10 март во 18:00 часот во просториите на КИЦ беше отворена изложбата "Пејсаж" на современиот македонски сликар Кирил Гегоски. Изложбата ја отвори директорот на Музејот на современа уметност Елиза Шулевска.
Кирил Гегоски е роден 1944 год. во Прилеп. Член е на ДЛУМ од 1968 год., во текот на 1979 година студиски престојувал во Париз, потоа во Италија, Грција, СССР, Франција, Полска итн. Во текот на својата богата творечка кариера има реализирано над 23 самостојни и над 30 групни изложби во земјата и странство. Кирил Гегоски е учесник и на многу домашни и интернационални сликарски колонии, за своето творештво е наградуван многукратно: 1976 во Пиран EX - tempore; 1979 год. Прилеп, награда "29 ноември"; 1982 год. и 2000 год. Откупна награда на НУБ "Климент Охридски" на ДЛУМ графика, 1984 год.; наградата на ДЛУМ "Моша Пијаде" на ДЛУМ за графика, 1998 год. наградата на ДЛУМ "Никола Мартиноски" на ДЛУМ-цртеж -98, 2001 год. награда на ДЛУМ за графика итн.
