Заедничката изложба од авторите Симонида Филипова Китановска, Ивана Настески, Марjaн Sин и Иво Пецов е отворена за посетителите во Центарот за уметности, локални занаети и традиции во Созопол, во периодот од 1-ви до 7-ми jуни 2019 година. Официjaлниот дел и средба на авторите со публиката ќе се одржи на 6 jуни, со почеток од 18:00 часот, а истиот ден покасно во Киноклубот "Отец Паисиj", со почеток од 22:00 часот ќе бидат проектирани кратки промотивни филмови за градовите Крушево, Струга и Охрид.
На 7 jуни во Археолошкиот музеj во Созопол, со почеток од 20:00 часот своj соло концерт ќе има младата виолинистка Наташа Диденко, коja пред публиката ќе се претстави со дела од Ерик Сати, Антонин Дворжак, Едуард Елгар, Жул Масне, Едит Пjаф, Лара Фабиjан, Индила и Жак Офенбах.
На овоj Деветти Меѓународен Франкофонски Фестивал, на коj се среќаваат културите на различни народи обединети од каузата на франкофонските вредности, нашиот КИЦ се претставува веќе петта година по ред со вклучување на нашите уметници во манифестациjaта. На фестивалот свои учества имаат и амбасадите на Белгиja, Франциja, Мароко, Шваjцариja, Романиja, Либан, Грузиja, Азербејџан.
