На 10 април 2025 година во Македонскиот КИЦ во Софија се одржа настанот „Музичка вечер во Софија“ – концерт на Исмет Вејсели, Алба Зеќири и Шкељзен Бафтиари. Во воведниот дел од вечерта се обратија амбасадорката на Р.С .Македонија во Р. Бугарија Н.Е. Агнеза Руси-Поповска и директорот на КИЦ во Софија проф. д-р Зоран Пејковски со следните зборови:
„Драги присутни, добре дојдовте на вечерва исполнета со магија и убавина! Со задоволство ви ја најавувам промоцијата на нашето музичко трио, кое се состои од три извонредни уметници: Исмет Вејсели, Алба Зеќири и Шкељзен Бафтиари.
Исмет Вејсели, нашиот тенор, ќе не воведе во светот на емоциите преку своите неверојатни вокални способности. Неговата интерпретација на класични дела е секогаш длабока и инспиративна.
На виолината, Алба Зеќири ќе го допре нашето срце со своите магични звуци. Нејзината техника и страст за музику ќе направат да се чувствуваме како да лебдиме во воздухот.
Шкељзен Бафтиари, на пијаното, ќе создаде хармонија која ќе ги поврзе сите елементи во целосно уметничко дело. Неговата виртуозност и креативност ќе ја обогатат секоја нота и ќе нè понесат во незаборавно музичко патување.
Вечерашната програма вклучува композиции од великани на класичната музика како што се Паоло Тости, Васил Толе, Астор Пијацола, Винченцо Белини, Сотир Голабовски, Сони Петровски, Фредерик Шопен, Жил Масне и Џоакино Росини. Секое дело е внимателно одбрано за да го покаже богатството и разновидноста на класичната музика, а истовремено и уникалниот стил на нашето трио.
Ве повикувам да се опуштите и да уживате во оваа неверојатна музичка вечер. Секој момент ќе биде исполнет со емоции, страст и уметност.
Благодарам што сте тука, и нека почне оваа музичка авантура!“
Вечерта помина во извонредно позитивна атмосфера со посакан бис од страна на публиката кон крајот на концертот. Потоа, по повод 20-годишнината на КИЦ во Софија, на музичарите им беа доделени благодарници „Мостови на културата“ во знак на признание за посебен придонес, поддршка и афирмација на македонската култура во странство.
