Културно-информативниот центар на Р. Македонија во Софија, во соработка со Чешкиот културен Центар, во Лилавиот салон на Чешкиот Центар на 23 октомври организираа џез концерт на Тони Китановски трио. Џез триото е во состав: Тони Китановски- гитара, Александар Секуловски- тапани и Иван Бејков- бас.
Тони Китановски живее и работи во Скопје и е посветен едукатор и промотор на македонскиот џез во светот. Истовремено Китановски е и доцент на Факултетот за музичка уметност при Унивезитетот Гоце Делчев во Штип.
Во рамките на престојот во Софија истиот ден во 13:00 часот во организација на КИЦ, Тони Китановски одржа предавање на Националната Музичка Академија во Софија на тема: "Импровизацијата и композицијата во современиот џез". т
