На 20-ти декември 2024 во Македонскиот Културно-информативен центар во Софија се одржа „Чествување на великаните Гане Тодоровски и Петре М. Андреевски“, по повод 95 години од раѓањето на Гане Тодоровски и 90 години од раѓањето на Петре М. Андреевски.
Настанот го отвори директорот на КИЦ во Софија, проф. д-р Зоран Пејковски. За поезијата на великаните на современата македонска литература беседеше проф. д-р Кристина Николовска, а нивни стихови читаше Олга Прличева – внуката на Григор Прличев.
