Културно-информативниот центар на Р. Македонија и Друштвото за издавачка дејност Макавеј - Скопје, во рамките на Третата македонска книжевна визита во Софија, на 15 мај во 18 часот организираа книжевен портрет на современиот македонски писател Иван Чаповски. За книжевниот опус на Чаповски зборуваше писателот Блаже Миневски
Иван Чаповски е роден 12.10 1936 год. во село Пожарско, област Меглен, Воденско. Од 1958 год. живее во Скопје каде дипломирал на Филозофскиот Факултет, специјалност Македонски јазик и историја на книжевност. За извонредно богатото творештво добитник е на наградите: 13 Ноември (за стихозбирката Убавата Разделина), Рациново признание и Стале Попов (за романите Магла и Крв на еукалиптусот), најдобра творба од реномираната издавачка куќа Мисла (за романот Змија)... Член е на Друштвото на писатели на Македонија и на Македонскиот ПЕН Центар.
