Во организација на Културно-информативниот центар на Р. Македонија и ЈОУ Дом на култура "Иван Мазов-Климе" - Кавадарци, на 12 март во 18:00 часот, во просториите на КИЦ беше отворена изложбата на современиот македонски сликар Владимир Темков. Изложбата ја отвори професорот на Нов бугарски универзитет Васил Влев.
Владимир Темков е роден 1959 год. во Кавадарци. Завршил Педагошка академија и Факултет за ликовна уметност, отсек графика. Член е на ДЛУМ од 2001 год.
Автор е на над дваесет самостојни изложби во Р. Македонија и странство, учесник е на десет групни изложби, учесник и организатор е на повеќе меѓународни ликовни колонии, меѓу кои од 1996 год. меѓународна ликовна колонија во Кавадарци.
Владимир Темков за своето богато творештво е наградуван со награди за графика, награда на градот Кавадарци.
