На 11 ноември концерт реализираа членовите на Дувачкиот квинтет при ансамблот "Контемпора". Квинтетот кој настапи во состав Катерина Бачевска на флејта, Владимир ЛАзаревски на обоа, Игор Иванов на кларинет, Горан ЈАнев на хорна и МАрјан Милошевски на фагот изведе 60 минутна програма. НА програмата беа изведени дела од македонските композитори Александар Џамбазов, Љубомир Бранѓолица и Стојан Стојков, како и дела од МАрин Големинов, Астор Пјацола, Ференц Фаркаш и Леонард Бернштајн. На бис беше изведен фрагмент од циклусот "Македонски револуционерни песни за дувачки квинтет" од Љубомир Бранѓолица.
Од името на домаќинот на овој концерт КИЦ на Р. Македонија во Софија, македонските музичари ги претстави директорот на Центарот Васко Шутаров. Партнери во реализацијата на овој концерт поддржан од македонското Министерство за култура, беше Сојузот на композиторите на Македонија-СОКОМ.