Музичка академja при Универзитет "Гоце Делчев" во Штип

Музичката академија со своите оддели ги интегрира музичкото минато, сегашноста и иднината, нашата богата музичка традиција, музичката класика и алтернатива, но и различните погледи на музичкиот феномен, набљудувајќи ја музиката и како уметност и како наука. Затоа, веруваме дека ќе ја препознаете вашата иднина токму на нашата академија, каде што во рамките на додипломските и постдипломските студии ќе се здобиете со научна или уметничка титула, или ќе се специјализирате за некоја област што посебно ве интересира. Инвестирајте на вистинскиот начин и на вистинското место во својата иднина, зашто тоа ве прави конкурентни насекаде во светот.