На 15-ти Мај 2019 година, во Софија се одржа „Европската ноќ на литературата“ која што е манифестација од огромно културно значење за бугарската престолнина. По 12-тата Македонска книжевна визита која претходеше на овој настан, беше поканет младиот македонски писател Стефан Марковски да се претстави со својот роман „Еретични писма“ објавен на бугарски јазик во 2019 година од издавчот Пламен Тотев и издаделството „Изида“, а во превод на Марјан Петров.
Носител на активноста е Чешкиот културен центар и уште 19 други КИЦ-ови и амбасади во Софија, а подршка има и од канцеларијата на ЕУ и град Софија.
Стефан Марковски, издавачот Тотев и актерите Ѓорги Георгиев – Антика и Игор Дамјанов, со посредство на КИЦ на РСМ извонредно ја претставија книгата на македонскиот писател и изведоа перформанс со читање на делови од романот и изведба на шлагери за што добија големи аплаузи и подршка на публиката.
Настанот го следеа голем број гости, а во периодот од 18 до 22 часот перформансот беше повторен неколку пати.
