На 14 декември, во Културно-информтивниот центар на Р. Македонија во Софија, беше претставена книгата "Комита" од нашиот познат писател Владимир Плавевски. Кигата, преведена од Тања Попова, е издание на книгоиздателството "Персеј".
Романот е структуриран на пет дела и во него се отсликува амбиентот на македонската мачна реалност во почетокот на 20. век. Главниот лик, комитата Лазар, ја посветува својата животна кауза на татковината, а неговиот лик е граден врз реконструкција на вистински настани.
Владимир Плавевски (роден во 1948 год.) е романсиер, драмски писател, фотограф, режисер, доктор ОРЛ специјалист. Член е на Друштвото на писатели на Македонија од 2000 година. Освен романот "Комита" досега има објавено уште дванаесет книги: "Земјотрес" (2017), "Јадица" (2013), "Последниот сплавар на Вардар" (2010), "Цена од Ново маало" (2009), "Вистински приказни" (2011), "Поплава" (2006), "Ловец на самовили" (2004), "Амкање" (2011), "Играч на Фанта " (1999), "Фотографија" (1998), "Градител на боговите" (1997), "Папарацо-феномен на денешнината" (1997).
На премиерата на романот "Комита" од Владимир Плавевски во Софија зедоа учество претставници од Амбасадата на Р. Македонија и издателството "Персеј".
