КУЛТУРНО-ИНФОРМАТИВEН ЦЕНТАР НА РЕПУБЛИКА СЕВЕРНА МАКЕДОНИЈА ВО СОФИЈА
На 22 мај (четврток) со почеток од 18:30 часот, како дел од проектот „Промоција на книги од македонски автори преведени на бугарски јазик“ на Македонскиот КИЦ во Софија, ќе се одржи претставувањето на книгата „Виенски гамбит“ од Анде Јанков.
Новоиздадената книга во Софија ќе биде промовирана од издавачот и литературен критичар Пламен Тотев и нејзиниот преведувачот Маријан Петров, во присуство на самиот автор кој ќе пристигне за средбата со љубителите на литературата.
По повод одбележувањето на еден од најзначајните датуми во словенската духовна и културна традиција - 24 Мај - Денот на сесловенските просветители, светите браќа Кирил и Методиј во Македонскиот културно-информативен центар во Софија ќе биде претставен рециталот „Светопис за сесловените“, посветен токму на светите браќа Кирил и Методиј и 1.163 години од Моравската мисија, преку која беше поставен темелот на словенската писменост и духовност.
По повод 24 Мај – празникот на сесловенските просветители и учители, светите браќа Кирил и Методиј, во сабота со почеток од 18:30 часот, во галеријата на Македонскиот Културно-информативен Центар (КИЦ) во Софија, свечено ќе биде отворена заедничката изложба „Траг“ на визуелниот и мултимедијален уметник Стефан Анчевски од Куманово и вајарот Марјан Стојаноски од Прилеп.
За информации и настани од сајтот
